Wayak Jak Pekhpasan
Oleh: H. Yuzakki Chalik, S.H.
Gelar Dalom Limpahan Paksi
Paksi Buay Bejalan Diway Pekhpasan
Way Laay gandai-gandai
Hakhus matohkon helu
Kain bukhak ti khedai
Tangeh beguna diniku.
Way jambu lamon liku
Pangkalan dibah khuntan
Hukhik yu mati payu
Sapi niku ngandan badan.
Way timbul pajakh bulan
Pangkalan dibah buah
Sikam yu kambas kudan
Di pukuk kapan gayah.
Kanihing padang pekhing
Telaju jak hamarkha laay
Kik ngangonko di gekhing
Saka kuinom kik injuk way.
Bekhingin balik angin
Salai ni bukhung jawoh
Di dunia nyak ji lain
Di akherat lagi mejawoh.
Udi ya jukung khadu liyu
Tunggak mit pulau pisang
Tulung dengis pai sakikku
Kuk tanggai pandai miwang.
Khua kilo jak pulau
Labuhan di kuala
Jukung bawakni kuwau
Nyembekhang lawok bena.
Mak mati pandan kudo
Kik ditimbus-timbus umbak
Mak mati badan ji kudo
Kik niku saka mak ku liak.
Nenggekhi tano mangi
Sanak pindah sekula
Kak di bingi tihanipi
Di khani disepok mata.
Pekon punduk sai masuk
Menyancang sai mepangga
Sekam yu kambang kheduk
Angkah pang lalimuk dunia.
Dang niku tekhai khani
Teduhni sai bukekhangan
Miwang ngagegok jakhi
Ngupas luh kikhi kanan.
Bulan bakha pak belas
Pintakh ni sanak ngaji
Khepa mak tinggal malas
Kik niku mungkekh janji.
Catatan:
PEKHPASAN = Pekon Perpasan, Way Nukak, Kec Karya Penggawa, Kab Pesisir Barat
Tidak ada komentar:
Posting Komentar