MENGENAI SAYA (SALAM KENAL, SALAM ANGKON, KHIK SALAM KEMUAKHIAN)

Foto saya
Bandar Lampung, Lampung, Indonesia
Nurwan dilahirkan di Pekon Kebuayan Kecamatan Karya Penggawa Krui Pesisir Barat pada tanggal 16 Januari 1988. Merupakan anak pertama dari empat bersaudara (kakak dari Rika Diana, Laila Roza dan Azmi Fikron) anak pertama dari pasangan Bak Zuandi bin M. Nuh dan Mak Nurbaiti binti M. Samman. Merupakan salah satu keturunan dari Paksi Buay Bejalan Diway yang turun dan menetap serta menurunkan Jurai Radin Bangsawan dan Djagakoe di Pekon Perpasaan Way Nukak Krui Pesisir Barat.

Kamis, 18 Juli 2013

TESUNDOM MIWANG NGEJALANG DI PENJULANG PUASA

oleh: Paja Fc Pelita Jaya



Puasa luwot kudo Mak..?
Udina...
Firdaus nyuakha. 
Ngalun di usung angin nyapang lawok khik gunung.
Mios, ngelasuh Maya sai ngelakkut khakhebukni kemakhau.
Udina wui Firdaus nyuakha.

Khatong jak bulan ngekhuting-khuting Hati,
Hati sai khadu khikat puluk Jahannam.
Kuca, kuca sai kukhasa.



Gung..! Gung..! Gung..!

Bunyini api udi puakhi?

Sassah apikik geduk asakh.
Betawok tawok suakhani jak tengah pekon.

Mekakhas, magas hulu Hati.

Jajjauan, lagi dacok kudo nyak nyebut Istikhfar.


Gumm...!!!
Bunyini api udi?
Humbak mecoh apikik tebeh.
Bugehasa, tabinta pekhang dunia.
Nyimbin, kidang nyimbin dipa.
Kacah kacah.
Sabda Alam, hampekh nyani takhu jantungku ngadegub.

Haga nyak tegakh kicok.
Muloh waktu mak pandai api api.
Muloh waktu mak saibudah kintu miwang kik mak di gukhah sawokh.
Muloh waktu khiang menok tian genui genui Sembahyang tekhaweh.
Muloh waktu gekhing ngawil pakai gulai kak buka puasa.

Mahili do niku way.
Hanyutko sunyin kheba sinji.
Tagan, tagan nyak sampai tehimpokh nuntong gimbakmu.
Adu jawoh lapahan nyesui hilianmu.
Kidang pagun.
Pagun mak dacok kubaca ayat ayat sai ditiakko jak awan sai halom.

Mak..
Ajo anakmu dija miwang.
Ngebiti kahut sai du bekhuhko,
jadi titian hatiku nyebekhang mik zaman sinji.
Bak..
Ajo anakmu miwang dija.
Mehais hitingmu mehili di tengah khani,
jadi tukkokni badanku cuccok di jagad sinji.
Malemoh hati 29 hakhi,
injuk pak khadu mejong ngehadap nisan kutti khua.
Mak.. anakmu ngadu.
Bak.. durhaka anakmu.

Udina...
Sanak sanak mak bedusa bunyanyi.
Khiang nihan jak tengah pekon.
Nyanyian kehangguman bulan buganti.
Mak ubah nyanyian suci sekhibu Bidadari
Zikir Alam, Ruh bugekhak.
Zohir minjak ngebasuh culuk khik pudak.

PENCARIAN

LAMBANG PAKSI BEJALAN DIWAY

LAMBANG PAKSI BEJALAN DIWAY
PEKON PERPASAN (WAY NUKAK) KRUI PESISIR BARAT